आज:  | Tue, 06, Dec, 2022

मोडल बनाइदिन्छु भन्दै १३ वर्षीय बालिकामाथी बलात्कार,

२०७४, २४ फाल्गुन बिहीबार ०८:१४ मा प्रकाशित ( ४ साल अघि) २७००७ पाठक संख्या

मोडल बनाइदिन्छु भन्दै १३ वर्षीय बालिकालाई बलात्कार गरेको आरोपमा एक जना फोटोग्राफर पक्राउ परेका छन् । पक्राउ पर्नेमा चितवनको खैरहनी–१३ घर भइ काठमाडौंको नयाँ बानेश्वर बस्दै आएका २० वर्षीय अमन तामाङ छन् । उनले कक्षा ८ मा अध्ययरत् १३ वर्षीय बालिकालाई फेसबुकमा साथी बनाएर मोडल बनाइदिन्छु भन्दै जबरजस्तीकरणी गरेको पीडितले उजुरी दिएकी छन् ।

तामाङले बालिकालाई फकाएर नयाँ बसपार्कस्थित एक गेष्ट हाउसमा लगेर बलात्कार गरेको प्रहरीलाई दिइएको जाहेरीमा उल्लेख छ । दोस्रो पटक जबरजस्तीकरणी गर्न खोज्दा बालिकाले असहमति जनाएपछि आफूले नग्न तस्वीर र भिडियो खिचेको भन्दै उनले धम्क्याएका थिए । आफूले भनेको नमाने त्यसलाई भाइरल बनाउने बताउँदै उनले पुनः बलात्कार गरे । र, फरार भए ।

लगत्तै, पीडितले महानगरीय प्रहरी वृत, गौशालामा जाहेरी दिएकी थिइन् । र, १८ फागुनमा तामाङलाई गौशाला प्रहरीले बबरमहलबाट पक्राउ गर्‍यो । अहिले जिल्ला अदालत काठमाडौंबाट जबरजस्तीकरणी मुद्दामा म्याद थप गरेर उनीमाथि विस्तृत अनुसन्धान भइरहेको डिएसपी अनुपम श्रेष्ठले बताए ।

खबर एक्सप्रेस