आज:  | Mon, 15, Apr, 2024

आर्सनल युरोपा लिगको क्वार्टर फाइनलमा

२०७४, २ चैत्र शुक्रबार ०३:१९ मा प्रकाशित ( ६ साल अघि) ३३६९० पाठक संख्या

काठमाडौँः युरोपा लिग अन्तरगत अन्तिम १६ को दोस्रो लेगको खेलमा इटालीयन क्लब एसी मिलानविरद्ध ३–१ को नतिजा निकाल्दै इङ्लिस क्लब आर्सलन क्वार्टरफाइनलमा प्रवेश गर्न सफल भएको छ ।

ड्यानी वेलबेकको दुई गोलतको मद्धतमा आर्सनल एसी मिलानविरुद्ध सहज जितसहित युरोपा लिगको अन्तिम ८ मा पुगेको हो । आर्सनलका लागि खेलको ३९ औँ मिनेटमा पहिलो गोल गरेका वेल्बेकले ८६ औँ मिनेटमा पेनाल्टीबाट व्यक्तिगत दोस्रो गोल गरे ।

आर्सनलका लागि अर्को गोल झाकाले ७१औँ मिनटेमा गरेका थिए । पराजित एसी मिलानका लागि चल्हानाग्लुले खेलको ३५ आँै मिनेटमा अग्रता दिलाउँदै गोल गरेका थिए । तर यो अग्रता वेलबेकले ४ मिनेटमै तोडे ।

यसअघिको पहिलो लेगको खेलमा २–० ले विजयी भएको थियो । प्रिमियर लिगमा खराब प्रदर्शन गरिरहेको आर्सनलले युरोपा लिगमा अन्तिम आठको यात्रा तय गरेपछि म्यानेजर आर्सेन वेंगरले राहतको श्वास फेरेका छन् ।

खबर एक्सप्रेस