३३४३० पाठक संख्या
जेठ ३ गतेदेखि नेपालभर प्रदर्शन भएको चलचित्र ‘वीर वीक्रम २’ को भिडियो समिक्षा प्रकरणमा युट्युव च्यानल ‘मीम नेपाल’ का दुईजनालाई महानगरीय प्रहरी वृत्त टेकुले पक्राउ गरेको छ । प्रहरीले शुक्रवार साढे चारबजेतिर प्रनेश गौतम र आर्दश मिश्रलाई पक्राउ गरेको हो ।
केहि दिनअघिदेखी काठमाण्डौं जिल्ला अदालतको पक्राउ पुर्जी कुरिरहेको प्रहरीले आज मात्रै पुर्जी पाएपछि उनिहरुलाई गिरफ्तार गरेको हो । प्रनेशलाई हिरासतमा राखेको छ भने आर्दशलाई साधारण तारेखमा रिहा गरेको छ ।
वीर विक्रम २’ का निर्देेशक मिलन चाम्सले केहि दिनअघि प्रहरी परिसर टेकु पुगेर आफ्नो चलचित्र र कलाकारहरुप्रति मानहानी भएको भन्दै उजुरी गरेका थिए । तर, तीनपुस्ते विवरण नपुगेको भन्दै अदालतले उनिहरुलाई पक्राउ पूर्जी जारी गर्न ढिलाइ गरेको थियो ।
निर्देशक चाम्सले उक्त भिडियो समिक्षा जस्तो नभएको र उक्त भिडियोले आफ्नो चलचित्रको व्यापारमा ठुलो नोक्सानी भएको भन्दै एक करोड जरिवाना र कडा कारवाहिको माग गरेका छन् ।
खबर एक्सप्रेस
