काठमाडौं वैशाख २। पूर्वप्रधानमन्त्री डा. बाबुराम भट्टराईले ट्वीट गर्दै तलब भत्ता नलिने घोषणा गरेका प्रधानमन्त्री केपी शर्मा ओलीलगायतका अन्य ब्यक्तीलाई विलासी रहनसहनको खर्च कसरी चल्छ भनेर प्रश्न गरेका छन् ।
उनले ट्वीटरमा भनेका छन्, प्रम लगायत कतिपय बड़े नेताहरूले आफ्नो दृश्य तलब/भत्ता पूरै त्याग्ने घोषणा गर्नु राम्रो हो।त्यससंगै आफ्नो कुनै पैतृक सम्पत्ति,बचत र वैध कमाइ नहुनेहरू( कमसेकम संसद/सरकारलाई बुझाएको सम्पत्ति विवरणमा नदेखिने!)को विलासी रहनसहन र चुनावको खर्च कसरी चल्छ त्यो पनि बताउँदा राम्रो होला कि?
प्रधानमन्त्रीले नयाँ वर्षको देशवासीलाई सम्बोधन गर्दै कोरोना भाइरसको महामारी अन्त्य नभएसम्म पारिश्रमिक नलिने घोषणा गरेका थिए । यसअघी नै राष्ट्रपति विद्यादेवी भण्डारीले दुई महिनाको तलब, उपराष्ट्रपति नन्दबहादुर पुनले एक महिनाको तलब, मन्त्रीहरुले एक महिनाको तलब र सांसदहरुले १५ दिनको तलब सरकारी कोरोना रोकथाम तथा राहत कोषमा जम्मा गर्ने घोषणा गरेका थिए ।