आज:  | Tue, 20, Feb, 2024

बन्दाबन्दीलाई व्यवस्थित गर्न सुरक्षा मापदण्ड, २०७७ जारी

२०७७, ६ असार शनिबार १०:०२ मा प्रकाशित ( ३ साल अघि) १२१८४ पाठक संख्या

काठमाडौँ, असार ५ गते ।
नेपालमा कोरोना भाईरस कोभिड १९ को संक्रमण पछिल्लो चरणमा बढदो छ । यही बिच गृह मन्त्रालयले बन्दाबन्दीलाई व्यवस्थित गर्न सुरक्षा मापदण्ड, २०७७ जारी गरेको छ । सुरक्षा मापदण्डमा सामाजिक दूरी कायम गर्नुपर्ने राति १० बजेदेखि बिहान ५ बजेसम्म अत्यावश्यक काममा बाहेक हिँडडुल गर्न पूर्णतः निषेध गर्ने लगायत विषयहरू समेटि सुरक्षा मापदण्ड, २०७७ जारी गरेको छ ।
कुनै पनि विवाह, व्रतबन्ध, मृत्यु संस्कार, चाडपर्व पूजापाठलगायत सामाजिक तथा सांकृतिक कार्यक्रमहरू गर्नपर्ने अवस्थामा सामाजिक दूरी कायम गरी १५ जनाभन्दा बढी मानिस भेला हुन नहुने व्यवस्था गरिएको छ ।
त्यस्तै, उत्पादनमूलक क्रियाकलाप उद्योग, कारखाना, पूर्वाधार विकास निर्माण गर्दा एक स्थानमा एक पटक १० जनाभन्दा बढी जम्मा हुन नपाउने तथा कर्मचारीले भिडभाड नगर्ने, सेवा दिँदा सम्भव भएसम्म सेवाग्राहीलाई अनलाइनबाट सेवा मिलाउने जस्ता विषय समेटिएका छन् ।

https://drive.google.com/file/d/1qaIrXx32iZqYTDrZLNqbTsY3WZPE5oyH/view

खबर एक्सप्रेस