आज:  | Sat, 20, Apr, 2024

साझा पार्टीकी सासद्ले दशैँ भत्ता फिर्ता गरिन

२०७७, ३ कार्तिक सोमबार १२:५४ मा प्रकाशित ( ३ साल अघि) ९११५ पाठक संख्या

कोरोना संक्रमणको बेला सासदहरुले दसैं भत्ता लिएको भन्दै नागरिकबाट चर्को बिरोध भैरहेको समयमा साझा पार्टीकी एक सासदले आफ्नो खातामा स्वत: पैसा आएले पैसा फिर्ता गरेको जानकारी दिएकी छन् ।

प्रेस विज्ञप्ति
कोभिड १९ को महामारीका कारण देश संकटमा परिरहेको र ठूलो संख्यामा नागरिक हातमुख जोर्न पनि नसक्ने अवस्थाबाट गुज्रिरहेका बेला जनप्रतिनिधिहरूले दशैँ भत्ता लिनु कुनै पनि दृष्टिकोणबाट उपयुक्त हुँदैन।

मासिक तलब स्वत: खातामा आउने गर्दछ। बागमती प्रदेश सरकारले तलब सँगसँगै दशैँ भत्ता पनि सांसदहरूको खातामा दाखिल गरिसकेको छ।

मेरो खातामा आएको सो रकम मैले फिर्ता गर्ने जानकारी गराउन चाहन्छु। दशैँ खर्च बापतको सो रकम कोभिड १९ को स्वास्थ्य कोषमा दाखिला गर्न समेत हार्दिक अनुरोध गर्दछु।

साथसाथै, सबै सांसदहरूलाई दशैँ भत्ता फिर्ता गर्न र प्रदेश सरकारलाई सबै अनावश्यक खर्च कटौती गरी कोभिड १९ नियन्त्रण र उपचारमा लगाउन पनि आग्रह गर्दछु।

शोभा शाक्य
बागमती प्रदेश सभा सदस्य, साझा पार्टी
मिति: ०२ कार्तिक २०७७

खबर एक्सप्रेस