२१८ पाठक संख्या
चीनसँगको उत्तरी सीमानाका तातोपानी आजदेखि खुल्दै छ। विसं २०७२ को भूकम्पयता लामो समय आवागमन बन्द रहेको तातोपानी नाका आज (शुक्रबार) देखि खुल्ने भएको हो।
भूकम्पयता तातोपानी नाका बन्द हुँदै आएकामा तीन महिनाअघिदेखि मालवाहक सवारीको आवतजावत खुलेको थियो। प्रजिअ न्यौपानेले यसअघि मानिस आवतजावत भने खुल्न नसकेको भन्दै शुक्रबारदेखि स्थानीयको आवागमन खुल्ला गरिएको बताए। उनका अनुसार सिन्धुपाल्चोकका स्थानीयले आवतजावतका लागि एक वर्ष अवधि रहेको पास पाउनेछन्।
गत मङ्गलबार तिब्बतको ल्हासामा चिनियाँ अधिकारी र नेपाली अधिकारीबीच भएको बैठकले नाकामा स्थानीय सर्वसाधारण आवतजावत गर्न पाउने निर्णय भएको थियो ।
खबर एक्सप्रेस
